قائد اعظم ٹرافی میں پی ایس ایل طرز پر ٹیمیں ڈرافٹنگ سے منتخب کرنے پر غور
پی سی بی ڈومیسٹک کرکٹ سیزن برائے سال 21-2020ء فرسٹ کلاس اور سیکنڈ الیون ٹیموں کے انتخاب کا طریقہ کاروضع کرنے کے لئے مختلف آپشن پر غورشروع ہوگیا، ٹیموں کی تشکیل کے لئے ڈرافٹنگ یا گزشتہ سیزن میں کارکردگی کی بنیاد پرسکواڈ بنانے کی تجاویز زیر غور ہیں۔ تفصیلات کے مطابق پی سی بی نے کورونا کی وجہ سے تاخیر سے شروع ہونے ہونے والے ڈومیسٹک کرکٹ سیزن میں کھیلنے والی چھ صوبائی ٹیموں کے سکواڈ تشکیل دینے کے لئے غور شروع کر دیا گیا ہے اس سلسلہ میں ہائی پرفارمنس سنٹرکے ڈائریکٹرندیم خان نے چھ صوبائی ٹیموں کے کوچز سے مشاورت شروع کردی ہے۔ذرائع کاکہناہے کہ گزشتہ سال کی طرح سلیکشن کمیٹی مشاورت سے ہی چھ ٹیمیں تشکیل دی جائیں گی۔جو فرسٹ کلاس اورسیکنڈ الیوں کے ایونٹس میں حصہ لیں گے۔ گزشتہ سال قومی سلیکشن کمیٹی نے چھ صوبائی ٹیمیں تشکیلدی تھیں جبکہ پنجاب کے بعض کھلاڑیوں کو دوسرے صوبوں کی ٹیموں میں بھی شامل کیا گیاتھا۔ ذرائع کاکہنا ہے کہ اس سال دوسرا طریقہ ڈرافٹ کے ذریعہ ٹیموں کی تشکیل کا ہے جس میں ہر ٹیم اپنے چھ چھ کھلاڑی گزشتہ سال کے سکواڈ سے رٹین کرے گی جبکہ باقی کھلاڑیوں کا انتخاب ڈرافٹ کے ذریعہ ہوگا۔ذرائع کے مطابق گزشتہ سیزن میں انڈر 19 اور انڈر 16 کی سطح پر کارکردگی دکھانے والوں کھلاڑیوں کو بھی پول میں شامل کیا جائے گا۔ ذرائع کا کہنا ہے کہ کھلاڑیوں کے علاوہ ٹیموں کے کوچز میں بھی ردو بدل کیا جائے گا۔