پی ٹی آئی کراچی میڈیا سیل میں پریس کانفرنس کرتے ہوئے پی ٹی آئی رہنما علی زیدی نے کہا کہ اللہ کی طرف سے شہریوں پر گرمی آزمائش ہے لیکن حکومتی نااہلی ہے کہ شہر میں قبرستانوں اور اسپتالوں میں جگہ نہیں ہے۔ وزیراعلٰی سندھ پر تنقید کرتے ہوئے انہوں نے کہا کہ شہری مر رہے ہیں۔ حکومت نے اربوں روپے صحت کے نام پر خرچ کیے لیکن اسپتالوں کی صورت حال تشویشناک ہے۔ علی زیدی کا کہنا تھا کہ جو کہتے ہیں ،ان کی ذمے داری نہیں ہے، انہیں وزارت چھوڑ دینی چاہیے۔