کورونا،: اسلام آبادضلعی انتظامیہ نے نئی پابندیاں عائد کردیں
اسلام آباد :این سی او سی کی ہدایت پر ضلعی انتظامیہ کے فیصلے، ضلعی انتظامیہ نے نئی پابندیوں کے اطلاق کا نوٹیفکیشن جاری کردیا۔
نوٹیفیکیشن کے مطابق ہر طرح کے انڈور ڈائننگ پر پابندی ہوگی، بیرونی کھانوں کی اجازت ویک ڈیز میں رات دس بجے تک ہوگی، انڈور اور آؤٹ ڈور دونوں طرح کے کھانوں پر ویک اینڈز پر پابندی ہوگی، صرف ٹیک اوے اور ہوم ڈیلیوری کی اجازت ہوگی،انڈور اجتماعات پر پابندی اپنی جگہ برقرار رہے گی،کھلے مقامات پر 300 افراد کے اجتماع پر کورونا ایس او پیز کے مطابق اجازت ہوگی، کھیلوں ، تہواروں اور دیگر پروگراموں پر بھی مکمل پابندی ہوگی، تفریحی پارکس بند رہیں گے، تاہم پیدل ٹھلنے اور جاگنگ ٹریک کورونا ایس او پیز کے ساتھ کھلے رہیں گے، ہر طرح کے شادی ہال اور مارکیز بند رہیں گی،کھلے مقامات پر 300 افراد کے ساتھ صرف دو گھنٹے کے لیے شادی کی تقریبات کی اجازت ہوگی، انڈور شادیوں جہاں مارکیوں نے مناسب وینٹیلیشن کے ساتھ ایڈجسٹمنٹ کی ہیں انہیں میزبانی کرنے کی اجازت ہے، انٹرسٹی پبلک ٹرانسپورٹ 50 فیصد صلاحیت پر کام کرے گی، تمام تجارتی سرگرمیوں پر ویک ڈیز میں رات 10 بجے کے بعد پابندی عائد ہوگی، جمعہ اور ہفتہ کوتمام تجارتی مراکز بند رہیں گے، اسپتال، میڈیکل اسٹور، اشیائے خوردو نوش کی دکانوں پر پابندی لاگو نہیں ہوگی، متعقلہ اداروں میں 50 فیصد کام گھر سے کرنے کی پالیسی پر عمل ہوگا، سینما ہالز اور مزارات پر بھی پابندی برقرار رہے گی، تمام پابندیوں کو فوری نافظ کیا جاۓ گا،تمام پابندیوں کا اطلاق 11 اپریل تک جاری رہے گا۔