امریکی صدر ٹرمپ آخرکار جوبائیڈن کو اقتدار منتقل کرنے پر رضامند
ٹرمپ نے انتخابات میں فراڈ کے مقدمے کی استقامت سے پیروی کرنے کا ٹوئٹ کیا، اور مزید لکھا کہ یقین ہے ملک بہترین مفاد میں ہم موجود رہیں گےاور جنگ جاری رہے گی۔ صدرٹرمپ نےجنرل سروسزانتظامیہ کی سربراہ ایملی مرفی کاشکریہ ادا کرتے ہوئے کہا ملک کیلئےغیرمتزلزل عزم،وفاداری پرایملی مرفی کامشکورہوں ،انہوں کہا کہ ایملی مرفی کودھمکیاں دی گئی اورہراساں کیا گیا۔ یاد رہے دو ہفتے قبل امریکی انتخابات میں ڈیموکریٹ امیدوار جوبائیڈن امریکہ کے نئے صدر منتخب ہوئے تھے، امریکی صدر ڈونلڈ ٹرمپ کے 232 کے مقابلے میں جوبائیڈن کو 306 الیکٹورل کالج ووٹوں کے ساتھ بڑی برتری حاصل ہے۔ دوسری جانب ٹوئٹر اور فیس بُک صدارتی اکاؤنٹس بیس جنوری کو نو منتخب امریکی صدر جو بائیڈن کو منتقل کرنے کیلئے تیار ہے اور کہا ہے کہ امریکی صدر ڈونلڈ ٹرمپ شکست مانیں یا نہ مانیں آفیشل اکاؤنٹس نو منتخب امریکی صدر جو بائیڈن کے سپرد کر دیئے جائیں گے۔
