خیبرایجنسی میں سکولوں پر دہشت گردوں کے حملوں کا سلسلہ جاری، آج بھی دو سکول دھماکہ خیز مواد سے تباہ کردئیے گئے۔
دہشتگرد مسلسل سکولوں کو نشانہ بنا رہے ہیں۔ مہمند ایجنسی کی تحصیل حلیم زئی میں تعلیم دشمنوں نے لڑکوں کے دو پرائمری سکولوں کو تباہ کردیا۔ دھماکے کے بعد علاقے میں خوف وہراس پھیل گیاتاہم کسی قسم کا جانی نقصان نہیں ہوا۔ سرکاری ذرائع کے مطابق اب تک تخریب کاری کے دوران تباہ ہونے والے اسکولوں کی تعداد ایک سو آٹھ ہوگئی ہے۔ گزشتہ کئی سالوں سے سکولوں کو نشانہ بنایا جا رہا ہے مگرحکومت ابھی تک ان واقعات کی روک تھام نہیں کرسکی۔
