دپیکا پڈوکون اپنے ہونے والے شوہر سے زیادہ دولت مند نکلیں
نامور بالی ووڈ اداکارہ دپیکا پڈوکون اپنے ہونے والے شوہر رنویر سنگھ سے زیادہ دولت مند نکلیں۔اداکارہ دپیکا پڈوکون اور رنویر سنگھ بالی ووڈ کی خوبصورت جوڑی ہونے کے ساتھ پاور کپل بھی ہیں، دونوں کی مقبولیت ایک دوسرے سے بالکل بھی کم نہیں تاہم دپیکا آمدنی میں رنویر سے آگے نکل گئیں۔فوربز 2017 کے سروے کے مطابق بالی ووڈ کی سب سے زیادہ آمدنی والی اداکاراؤں میں دپیکا پڈوکون چھٹے نمبر ہیں، ان کے اثاثوں کی مالیت 11 ملین ڈالرز ہے جو 80 کروڑ بھارتی روپے بنتے ہیں۔دوسری جانب رنویر سنگھ فوربز کی فہرست میں سب سے زیادہ آمدنی والے اداکاروں کی فہرست میں ساتویں نمبر پر ہیں، رنویر سنگھ کے کل اثاثوں کی مالیت 10 ملین ڈالرز تقریباً 76 کروڑ بھارتی روپے ہے۔دپیکا پڈوکون بالی ووڈ کی واحد اداکارہ ہیں جو اداکاروں کے مقابلے زیادہ معاوضہ لیتی ہیں۔ فلم ’’پدماوت‘‘ میں دپیکا نے 12 کروڑ معاوضہ لیاتھا جب کہ رنویر سنگھ کو سات سے آٹھ کروڑ معاوضہ دیا گیا تھا۔