اسلام آباد :سابق وزیرداخلہ شیخ رشید کا کہنا ہے بیرونی سازش کے تحت چور دروازے سے بنی حکومت کے فرار کی تیاریاں شروع ہوچکیں۔

سوموار کے روز میڈیا سے گفتگو کرتے ہوئے انہوں نے کہا کہ حکومت سنبھالی نہیں جارہی یہ این آر او ٹو لینے آئے ہیں۔ ای سی ایل سے ڈیڑھ سو ملزموں کے نام نکال دیئے گئے ہیں۔شیخ رشید احمد بولے امپورٹڈ حکومت کی کوئی قانونی حیثیت نہیں، سرکاری خزانے کا بےدریغ استعمال بھی دوبارہ شروع ہوچکا۔ انہوں نے مزید کہا کہ فوج عوامی رائے کی قدر کرتی ہے، جلد امپورٹڈ حکومت سے جان چھوٹے گی۔