پنجاب پولیس نے سیالکوٹ میں پاکستان تحریک انصاف کے رہنما عثمان ڈار کے گھر پر چھاپہ مارا، چھاپے کے وقت عثمان ڈار گھر پر موجود نہیں تھے۔پنجاب پولیس کی جانب سے رہائشگاہ پر چھاپے پر عثمان ڈار نے برہمی کا اظہار کرتے ہوئے کہا کہ میری غیر موجودگی میں میرے گھر پر دھاوا بولا گیا، چھاپہ ایسے مارا گیا جیسے کسی دہشت گرد کو گرفتار کرنا ہو۔عثمان ڈار نے کہا کہ چھاپے کے وقت گھر میں صرف خواتین موجود تھیں، چھاپہ مار کارروائی مینار پاکستان کا جلسہ ناکام کروانے کے لئے کی گئی۔