کورونا وائرس کے باعث دنیا بھر میں اربوں لوگ لاک ڈاؤن کی وجہ سے اپنے اپنے گھروں میں بند ہیں، معیشتوں کو شدید نقصان پہنچا ہے اور کروڑوں افراد بے روزگار ہوئے ہیں۔ مگر کیا یہ وبا کبھی ختم ہوگی یا اس کے خاتمے میں کتنا عرصہ لگ سکتا ہے۔اس حوالے سے سائنسدانوں نے اپنی ایک اسٹڈی میں وہ تاریخ بتائی ہے جس کے بعد کچھ ممالک میں کورونا وائرس کی وبا پوری طرح سے ختم ہوجائےگی۔‌ سنگاپور کے کچھ محققین نے کہا ہے کہ 30 ستمبر کے بعد برطانیہ میں کورونا وائرس پوری طرح ختم ہوجائے گا۔سنگاپور یونیورسٹی آف ٹیکنالوجی اینڈ ڈیزائن نے اپنے تجزیئے کے بعد تاریخ کا اعلان کیا ہے۔ انہوں نے اعلان کیا ہے کہ اگلے چار مہینے میں برطانیہ میں کوروناوائرس پوری طرح ختم ہوجائے گا۔سائنسدانوں کی ٹیم نے تاریخ کا اندازہ 7 مئی تک کا لگایا ہے۔ اس وقت تک برطانیہ میں کوروناوائرس کسے متاثرہ 30 ہزار لوگوں کی اموات ہو چکی ہے۔اس کے علاوہ سائنسدانوں نے کچھ اور ممالک میں بھی کورونا وائرس پوری طرح سے ختم ہونے سے متعلق پیشن گوئی کی ہے۔ 8 مئی کو کچھ دوسرے ملکوں لے حوالے سے بھی پیشن گوئی کی ہے۔سائنسدانوں نے بتایا ہے کہ اٹلی میں 24 اکتوبر تک کورونا وائرس پوری طرح سے ختم ہوجائے گا۔ امریکہ میں 11 نومبر تک وائرس ختم ہوپائے گا۔اسی طرح سے سنگاپور میں 27 اکتوبر تک کووڈ 19 کا پھیلاؤ ختم ہوجائے گا۔ اس پیشن گوئی کے بعد سائنسدانوں نے لوگوں کو مکمل احتیاطی تدابیر اختیار کرنے کی ہدایت بھی کی ہے۔انہوں نے کہا ہے کہ کچھ معاملات میں کورونا وائرس کے خاتمے کی تاریخ بتانا خطرناک ہوسکتا ہے کیونکہ اس سے لوگ لاپرواہ ہوسکتے ہیں۔ وہ وائرس سے بچاؤ کیلئے جاری کی گئی ہدایات کو نظر انداز کرسکتے ہیں۔جس کی وجہ سے صورتحال مشکل ہوسکتی ہے جبکہ کچھ ماہرین کا کہنا ہے کہ ماہ جون میں برطانیہ میں کورونا وائرس کی وجہ سے ہونے والی اموات ختم ہوجائیں گی۔

نگران وزیراعلیٰ محسن نقوی کی ہدایت پر رمضان المبارک میں لاہور سمیت بڑے شہروں میں نائٹ سپورٹس ایونٹس کرانے کا فیصلہ