وفاقی  وزیر داخلہ رانا ثنا اللہ کا کہنا ہےکہ قانون کی عمل داری کے لیے عدالت جو حکم کرےگی سو فیصد عمل کریں گے۔اسلام آباد میں پریس کانفرنس کرتے ہوئے رانا ثنااللہ کا کہنا تھا کہ پی ٹی آئی کا ماضی عدالت کے پیش نظر ہونا چاہیے، پہلے بھی یہ عدالت کی آڑ لےکر یہاں آئے پھر وعدہ خلافی کی، سپریم کورٹ آئین کا محافظ ادارہ ہے، آئین کا تحفظ ہر ادارے پر فرض ہے، عدالت آئین کی سربلندی کے لیے جو حکم کرےگی ، بجالائیں گے۔رانا ثنااللہ کا کہنا تھا کہ لاہور کی ڈیڑھ دو کروڑ کی آبادی میں سے دو ڈھائی سو لوگ نکلے، ان کے ساتھ کوئی مذاکرات نہیں ہورہے ہیں اور نہ کوئی معاہدہ ہے، ان کا طوفان سوشل میڈیا کی حد تک تھا، کوئی شرم ہے تو عمران خان کو مارچ ختم کر دینا چاہیے، صوبائی وسائل کے ساتھ وفاق پرحملہ آور ہونے والوں کو نتائج بھگتنا ہوں گے، یہ فرمائشی گرفتاری کرا رہے ہیں اور پروپیگنڈا کر رہےکہ بڑی سختی ہوگئی۔

وزیرِ اعظم شہباز شریف سے وزیر سرمایہ کاری بورڈ چوہدری سالک حسین کی ملاقات