وزیرخارجہ شاہ محمود قریشی نے کہاہے کہ پاکستان کا اسلاموفوبیا سے متعلق بہت واضح اور ٹھوس موقف رہا ہے،مقبوضہ کشمیر میں بھارت کی انسانی حقوق کی سنگین خلاف ورزیاں بڑھتی جا رہی ہیں، دہشت گردی کی بھارتی پشت پناہی کے ٹھوس شواہد بھی پیش کر چکے ہیں۔میڈیا سے گفتگو کرتے ہوئے  انہوںنے کہا کہ او آئی سی کونسل آف فارن منسٹرز کے اجلاس میں شرکت کروں گا، 3 روز کی کانفرنس میں او آئی سی ممالک کے وزرائے خارجہ کی اہم نشست ہو گی، کانفرنس میں امتِ مسلمہ کو درپیش چیلنجز اور اہم معاملات پر تبادلہ خیال کیا جائے گا۔ انہوں نے کہا کہ کانفرنس میں مسئلہ کشمیر اور فلسطین پر دیگر وزرائے خارجہ سے تبادلہ خیال کا موقع ملے گا، کچھ قرار دادیں اس اجلاس میں پیش کرنے کا ارادہ ہے، اہم منصبوں پر دو طرفہ ملاقاتوں اور پاکستان کا موقف پیش کرنے کا موقع بھی ملے گا۔انہوں نے کہا کہ امریکا اور مشرقِ وسطیٰ میں ہونے والی تبدیلیوں پر گفتگو اور پاکستان کا موقف پیش کرنے کا موقع ملے گا، اسلامو فوبیا سے متعلق پاکستان سمیت پوری دنیا کے مسلمان تذبذب کا شکار ہیں، پاکستان کا اسلاموفوبیا سے متعلق بہت واضح اور ٹھوس موقف رہا ہے انہوںنے مزید کہا کہ او آئی سی کے اجلاس میں وزیرِ اعظم عمران خان اور پاکستانی عوام کا نکتہ نظر پیش کرنے کا موقع ملے گا، مقبوضہ کشمیر میں بھارت کی انسانی حقوق کی سنگین خلاف ورزیاں بڑھتی جا رہی ہیں، دہشت گردی کی بھارتی پشت پناہی کے ٹھوس شواہد بھی پیش کر چکے ہیں۔انہوں نے یہ بھی کہا کہ مقبوضہ کشمیر میں ظلم و بربریت پر آواز اٹھانے کیلئے یہ ایک مناسب فورم ہے، مقبوضہ جموں و کشمیر سے متعلق او آئی سی کی بہت سی قرار دادیں موجود ہیں، اجلاس کو کشمیر کی تازہ صورتِ حال سے آگاہ کرنا میرے فرائض میں شامل ہے۔

کورونا وائرس سےدنیا بھر میں ہلاکتیں2039607ہو گئیں