قابض اسرائیلی فوجیوں نے الخلیل کے جنوب مغرب میں واقع بیت عوا قصبے کے مرکزی دروازے پر ایک معذور فلسطینی شہری کوگرفتار کرلیا۔غیرملکی خبررساں ادارے کے مطابق صہیونی فوجیوں نے بیت عوا کی طرف جانے والی سڑک پر معذور شہری 25 سالہ ایوب مصلمہ کو گرفتار کرلیا اور اسے نامعلوم جگہ لے گئے۔قابض صہیونی فوجیوں نے بیت عوا کی فوجی چوکی کو بند کر دیا جس سے الخلیل کے جنوب مغرب میں دوسرے دیہاتیوں کو بھاری ٹریفک جام کا سامنا کرنا پڑا۔