میانوالی میں پنجاب پولیس اور سی ٹی ڈی کے مبینہ پولیس مقابلے میں 10 خوارجی ہلاک ہوگئے۔ ترجمان پنجاب پولیس کے مطابق ملاخیل کے علاقے میں 10 سے 15 دہشت گردوں کی موجودگی کی اطلاع ملی تھی، جس کے بعد آپریشن کیا گیا۔ترجمان کا کہنا ہے کہ دہشت گردوں کی اطلاع ملنے پر پولیس فورس علاقے میں پہنچ گئی۔ترجمان پنجاب پولیس کے مطابق آپریشن کے دوران پولیس سے فائرنگ کے تبادلے میں 10 دہشت گرد مارے گئے۔یاد رہے کہ گزشتہ روز سیکیورٹی فورسز کی جانب سے باجوڑ میں انٹیلی جنس بیسڈ آپریشن کیا گیا۔آپریشن کے دوران شدید فائرنگ کے تبادلے کے بعد 9 خوارج ہلاک ہوگئے تھے۔انٹر سروسز پبلک ریلیشنز (آئی ایس پی آر) کے مطابق آپریشن خوارج کی موجودگی کی اطلاع پر کیا گیا۔
میانوالی: پنجاب پولیس اور سی ٹی ڈی کا سرچ آپریشن کے دوران مقابلہ10خوارجی جہنم واصل
Oct 25, 2024 | 12:52