بغداد،ہسپتال میں آتشزدگی،82 افراد ہلاک،110 زخمی
عراق میں بغداد کے ایک ہسپتال کے انتہائی نگہداشت کے شعبے میں آتشزدگی کے المناک واقعے میں بیاسی افراد جاں بحق جبکہ ایک سو دس زخمی ہوگئے۔ابتدائی معلومات کے مطابق آگ ہسپتال کے وارڈ میں آکسیجن سلنڈر پھٹنے کی وجہ سے لگی جس میں کورونا کے تشویشناک مریض موجود تھے۔وزارت صحت نے کہا ایمبولینس درجنوں زخمیوں کو محفوظ مقام پر لے گئیں اور کم از کم دوسو افراد کو ریسکیو کیا۔ آج ایک ٹویٹ میں دفتر خارجہ کے ترجمان زاہد حفیظ چودھری نے بغداد میں ابن الخطاب ہسپتال کے افسوسناک واقعے میں قیمتی جانوں کے نقصان پر عراق کی حکومت اور برادر عوام کیساتھ دلی تعزیت کی ہے۔ انہوںنے کہا کہ ہمارے جذبات اور دعائیں متاثرین اور سوگوار خاندانوں کے ساتھ ہیں۔