نیب لاہور نے حمزہ شہباز کو دوپہر ایک بجے پیش ہونے کا نوٹس جاری کیا ہے۔یاد رہے کہ حمزہ شہباز صاف پانی کمپنی اور آمدن سے زائد اثاثوں کی تحقیقات کے سلسلے میں پہلے بھی پیش ہوچکے ہیں، جبکہ گزشتہ دنوں انہیں لاہور ایئرپورٹ پر نام بلیک لسٹ ہونے کی وجہ سے بیرون ملک جانے سے روک دیا گیا تھا۔واضح رہے کہ نیب حمزہ شہباز کے خلاف آمدن سے زائد اثاثوں کے کیس کی تحقیقات کر رہا ہے، جس میں گرفتاری سے بچنے کے لیے انہوں نے حفاظتی ضمانت بھی کرائی تھی۔علاوہ ازیں حمزہ شہباز اور ان کے بھائی سلمان شہباز کے خلاف غیر قانونی پُل اور 56 کمپنیوں سے مبینہ تعلق کی تحقیقات بھی جاری ہیں، جس کی بناء پر نیب نے گزشتہ ماہ ان کا نام ایگزٹ کنٹرول لسٹ (ای سی ایل) میں ڈالنے کی سفارش کی تھی۔

کورونامریضوں کیلئے عالمی ادارہ صحت کی نئی گائیڈلائنز جاری