اسلامی تحریک مزاحمت''حماس'' کے سیاسی شعبے کے صدر اسماعیل ھنیہ نے اسرائیلی وزیراعظم بنجمن نیتن یاھو کی ترک صدر رجب طیب ایردوآن پر تنقیدکی مذمت کی ہے۔ انہوں نے کہا کہ نیتن یاھو بچوں کا قاتل ہے اور اسے کسی کو انسانیت کا درس دینے کا کوئی حق نہیں۔ انہوں نے کہا کہ مجرم اوربچوں کے قاتل کو انسانیت کا درس دینے کا کوئی حق نہیں۔ فلسطینیوں کی حمایت اور نصرت کرنے والے ظلم اور دہشت گردی کی حمایت نہیں کرسکتے۔انہوں نے مزید کہا کہ نیتن یاھو فلسطینیوں پر اپنے مظالم اور جرائم کو چھپانے کی کوشش کررہے ہیں۔ نیتن یاھو اپنے جھوٹ اور دروغ گوئی کی وجہ سے فلسطینیوں کی نصرت کے لیے آواز بلند کرنے والوں کومجرم نہیںبنا سکتے۔ انہوں نے کہا کہ نیتن یاھو طیب اردو ن پر اس لیے تنقید کررہا ہے کیونکہ ترک صدر کی فلسطینیوں کی حمایت سے دشمن پر رعب اور خوف طاری ہے۔ پوری دنیا میں صہیونی ریاست کو بائیکاٹ کا سامنا ہے اور بائیکاٹ کو غیر موثر بنانے کے لیے ترکی کو ہدف تنقید بنایا جا رہا ہے۔ انہوں نے کہا کہ نیتن یاھو کے ترک صدر پرالزامات حیران کن ہیں۔

نامعلوم افراد کی فائرنگ سے ایک شخص جاں بحق