راولپنڈی کے ایک ایس ایچ او نے جان پر کھیل کر ڈکیتی ناکام بنا دی،پنڈی شہر میں ایک ماہ میں پولیس اور قانون نافذ کرنے والے اداروں کے اہلکاروں پر ڈکیت اور منشیات گروہوں نے پانچویں بار فائرنگ کی۔امپیریل مارکیٹ میں 3ملزمان کی فائرنگ سے 2پولیس اہلکار زخمی ہوگئے جبکہ ایک ملزم کو زخمی حالت میں گرفتار کر لیا گیا۔فائرنگ کے باوجود ایس ایچ او سٹی قمر سلطان نے بہادری دکھاتے ہوئے ملزم کو اپنی مضبوط گرفت میں جکڑے رکھا۔راولپنڈی کے تھانہ سٹی کی حدود میں راجہ بازار کی امپیریل مارکیٹ کے سامنے موٹر سائیکل پر سوار اسلحہ  سے لیس 3 ڈکیتوں نے پولیس کی نفری پر فائرنگ کر دی جس سے 2اہلکار زخمی ہوگئے۔اس موقع پر ایس ایچ او سٹی نے کمال بہادری کا مظاہرہ کرتے ہوئے ایک ملزم کو مسلسل فائرنگ کے باوجود اپنی مضبوط گرفت میں پکڑے رکھا اور گرفتار کرلیا۔اس سے قبل بھی گذشتہ ایک ماہ میں شہر بھر میں 5واقعات میں 2 پولیس اہلکار جاں بحق اور 3زخمی ہوئے ہیں جبکہ ایک شہری بھی جان کی بازی ہار گیا ہے۔شہر بھر میں گزشتہ چند ماہ میں شہری ڈکیتی و چوری کی وارداتوں میں لاکھوں روپے کا نقصان اٹھا چکے ہیں۔

پی ڈی ایم صرف اپنے کھوکھلے بیانیئے کی وجہ سے اپنی طاقت کا مظاہرہ کرنے میں ناکام رہی . شیخ رشید