عدالت نے مسلم لیگ (ن) کے ایم این اے افضل کھوکھر کی ضمانت منظور کرلی  ۔ بدھ کو (ن) لیگی ایم این اے افضل کھوکھر کو ماڈل ٹائون کچہری میں جوڈیشل مجسٹریٹ شازیہ محبوب کی عدالت میں پیش کیا گیا جہاں عدالت نے ملک افضل کھوکھر کی ضمانت منظور کرتے ہوئے ایک لاکھ روپے کے مچلکے جمع کرانے کا حکم دیا۔افضل کھوکھر پر   تھانہ نواب ٹائون میں برطانیہ میں مقیم محمد علی ظفر کی مدعیت میں قبضہ کی دفعات کے تحت مقدمہ درج کیا گیا تھا، ایف آئی آر میں کہا گیا کہ کئی سال قبل طارق محمود نامی شخص سے 34 مرلہ زمین خریدی تھی، اب اس جگہ پر افضل کھوکھر کی رہائش گاہ ہے جو کھوکھر پیلس بن چکا ہے۔واضح رہے کہ  ایم این اے افضل کھوکھر کو سپریم کورٹ لاہور رجسٹری سے گرفتار کیا گیا تھا، چیف جسٹس نے ریمارکس میں کہا تھا کہ تم نے پٹواریوں کو ساتھ ملا کر لوگوں کی زمینوں پر قبضہ کیا۔

آرمی چیف جنرل قمرجاوید باجوہ کا آئی ایس آئی ہیڈکوارٹرزکا دورہ، قومی سلامتی کیلئے آئی ایس آئی کی کاوشوں کو سراہا،پیشہ ورانہ تیاریوں پر اعتماد کا اظہار