محکمہ موسمیات نے ملک بھر میں نئے سسٹم کے تحت بارشوں کی پیشگوئی کردی ۔محکمہ موسمیات کی جانب سے جاری بیان کے مطابق منگل سے جمعرات 2 مارچ تک بالائی اور وسطی علاقوں میں بارش کی پیشگوئی کی ہے۔ اس دوران بالائی اور وسطی علاقوں میں تیز ہوائوں اور گرج چمک کے ساتھ بارش کی توقع ہے۔اسلام آباد میں اس دوران پہاڑوں پر برفباری کا بھی امکان ہے۔ مغربی ہوائیں 28 فروری کو ملک کے مغربی علاقوں میں داخل ہونگی،ملک کے بالائی اور وسطی علاقوں میں پھیل جائیںگی۔ رپورٹ کے مطابق 28 فروری سے 2 مارچ تک مری میں بھی تیز ہوائوں کے ساتھ بارش اور برفباری کا امکان ظاہر کیا گیا جبکہ گلیات، آزاد کشمیر، گلگت بلتستان میں بھی تیز ہوا کے ساتھ بارش اور برفباری ہوسکتی ہے۔ محکمہ موسمیات کے مطابق نئے سسٹم کے تحت اسلام آباد سمیت خطہ پوٹھوہار، گوجرانوالہ میں گرج چمک کے ساتھ بارش ہوگی۔اس موقع پر محکمہ موسمیات کی جانب سے تمام متعلقہ اداروں کو الرٹ جاری کردیا گیا۔

بلاول بھٹو زرداری تین روزہ دورے پر عراق پہنچ گئے