چیف آف جنرل سٹاف لیفٹیننٹ جنرل اشفاق ندیم احمد سے افغان بارڈر پولیس کے اعلٰی سطح کے وفد نے ملاقات کی جس میں بارڈر سیکیورٹی سے متعلق اہم امور پر تبادلہ خیال کیا گیا
آئی ایس پی آر کے مطابق چیف آف جنرل اسٹاف لیفٹیننٹ جنرل اشفاق ندیم احمد سے افغان بارڈر پولیس کے اعلیٰ سطح کے وفد نے جی ایچ کیو راولپنڈی میں ملاقات کی۔۔۔ افغان وفد کی قیادت لیفٹیننٹ جنرل شفیق فضلی نے کی۔ گزشتہ ہفتے کورکمانڈر پشاور لیفٹیننٹ جنرل ہدایت الرحمان اور کمانڈر سدرن کمانڈ لیفٹیننٹ جنرل ناصر خان جنجوعہ نے بھی افغانستان کا دورہ کیا اور اپنے ہم منصب سے ملاقاتیں کی تھیں۔۔ ملاقاتوں میں پاک افغان بارڈر کی سکیورٹی سمیت دیگر اہم امور زیر غور رہے ۔۔۔ آئی ایس پی آر کے مطابق افغان وفد کا یہ دورہ آرمی چیف جنرل راحیل شریف اور دیگر عسکری حکام کے افغانستان دوروں کا تسلسل ہے۔ ان دوروں کا مقصد پاک افغان فوجی تعلقات کو مزید مستحکم کرنا ہے
