بارشوں کے نہ ہونے اور خشک سالی کی وجہ سے حب ڈیم میں پانی کا ذخیرہ ختم ہو گیا
بارشوں کے نہ ہونے اور خشک سالی کی وجہ سے حب ڈیم میں پانی کا ذخیرہ ختم ہو گیا ، ڈیم میں پانی کا ذخیرہ صرف ایک فٹ ہی رہ گیا ۔حب ڈیم کے پروجیکٹ ڈائریکٹر سہیل خان کے مطابق خشک سالی اور بارشوں کے نہ ہونے سے حب ڈیم میں پانی کا ذخیرہ ختم ہوگیا اور ڈیم میں صرف ایک فٹ ہی پانی رہ گیا ہے، ڈیم سے فی الحال حب اور گڈانی کو جنریٹرز سے پانی پمپ کرکے لسبیلہ کینال کو پانی فراہم کیا جارہا ہے۔واضح رہے کہ حب ڈیم 24 ہزار ایکڑ سے زائد پر محیط ہے، جہاں سے پمپنگ اسٹیشن کے ذریعے کراچی کو بھی پانی فراہم کیا جاتا ہے۔
