الیکشن کمیشن نے سینیٹ انتخابات کی تیاریاں شروع کردیں
اسلام آباد: سینیٹ انتخابات2021 کے لیے الیکشن کمیشن نے تیاریاں شروع کر دیں، الیکشن کمیشن کے 46آفیسرز کو انتخابات کیلئے ٹریننگ دی جائے گی۔ تفصیلات کے مطابق ذرایع کا کہنا ہے کہ سینٹ انتخابات کے لیے عملے کی ٹریننگ رواں ہفتے شروع کردی جائے گی، الیکشن کمیشن کے46آفیسرز کی سینٹ انتخابات کیلئے ٹرینگ ہوگی۔ ذرائع کے مطابق چاروں صوبوں سے32 اور مرکز سے 14آفیسرز کو ٹریننگ دی جائے گی۔ اس حوالے سے ذرایع نے یہ بھی بتایا ہے کہ پنجاب9، سندھ اور خیبر پختونخوا8 جبکہ بلوچستان سے7آفیسرز کو ٹریننگ دی جائے گی۔ صوبوں سے صوبائی الیکشن کمشنرریٹرننگ آفیسر کے فرائض سرانجام دیں گے۔
