عمران خان کا ایف نائن پارک میں سٹیزن کلب کا دورہ
وزیر اعظم عمران خان نے ایف نائن پارک میں سٹیزن کلب کا دورہ کیا اس موقع پر وزیر داخلہ شیخ رشید احمد، وزیر منصوبہ بندی اسد عمر، وزیر برائے انسانی حقوق شیریں مزاری، معاون خصوصی برائے صحت ڈاکٹر فیصل سلطان، سینیٹر فیصل جاوید، چیئرمین سی ڈی اے ہمراہ تھے ۔ یاد رہے سیٹیزن کلب کی عمارت کی تعمیر کا آغاز 2008میں ہوا لیکن اس کی تکمیل التوا کا شکار رہی،موجودہ حکومت نے 2018 میں سیٹزن کلب کی عمارت کی تکمیل کو مکمل کیا،عمارت کو بروئے کار لانے کے حوالے سے درپیش قانونی معاملات کے پیش نظر معاملہ التوا کا شکار رہا،کابینہ نے حال ہی میں اس عمارت کو عوامی مقاصد کے لئے بروئے کار لانے پر غور کیا۔وزیراعظم عمران خان کا دورہ اسی سلسلے کی کڑی ہے،وزیرِ اعظم کی ہدایت پر معروف آرکیٹیک نیر علی دادا اور چئیرمین سی ڈٰی اے پر مشتمل کمیٹی قائم کی گئی ۔کمیٹی سیٹیزن کلب کی عمارت کوعوامی مقاصد کے لئے بروئے کار لانے کے حوالے سے اپنی سفارشات وزیر اعظم کوجلد پیش کرے گی۔