وزیرِ اعظم شہباز شریف سے امیر مرکزی جمیعتِ اہل حدیث سینیٹر حافظ عبدالکریم کی ملاقات

وزیرِ اعظم محمد شہباز شریف سے امیر مرکزی جمعیت اہلِ حدیث اور سینیٹر حافظ عبدالکریم نے اسلام آباد میں ملاقات کی۔ وزیرِ اعظم نے انہیں حالیہ سینیٹ انتخابات میں کامیابی پر مبارکباد پیش کی۔ وزیرِ اعظم نے اس امید کا اظہار کیا کہ حافظ عبدالکریم اپنی مذہبی و سیاسی فکر کی روشنی میں قانون سازی میں مؤثر کردار ادا کریں گے۔ سینیٹر حافظ عبدالکریم نے مسلم لیگ (ن) کی جانب سے اعتماد کے اظہار پر وزیرِ اعظم کا شکریہ ادا کیا۔ ملاقات کے دوران ملکی سیاسی صورتحال پر بھی تبادلہ خیال کیا گیا-