وزیراعظم کے حکم پر دواؤں کی قیمتوں میں کمی پر عمل درآمد شروع
اسلام آباد: وزیراعظم کی جانب سے دواؤں کی قیمتوں میں کمی کیلیے جاری احکامات پر عملدرآمد کا آغاز ہوچکا۔ ڈرگ ریگولیٹری اتھارٹی نے جان بچانے والی دوائیں جن میں بلڈ پریشر، دل، مرگی اور جلدی امراض سمیت 78 ادویات کی قیمتوں میں کمی کردی، ڈریپ نے دوائیں کی قیمتوں میں کمی کاباضابطہ نوٹیفکیشن جاری کردیا۔ ڈریپ ذرائع کے مطابق جاری ایس آر او میں ہارڈشپ کیسز کے تحت دواؤں کی قیمتوں میں 75 فیصد اضافہ واپس لے لیا، ہارڈشپ کیسز کے تحت 50 سے 75 فیصد دواؤں پر 9 فیصد اضافہ بھی واپس لیا ہے۔