پاکستان کرکٹ ٹیم کے فاسٹ بولر حارث رؤف  نے کہا ہے کہ کاؤنٹی کرکٹ کھیلنے سے انہیں ریڈ بال کرکٹ میں مہارت پیدا کرنے میں مدد ملے گی کیونکہ وہ مستقبل میں اپنے ملک کے لیے ٹیسٹ کرکٹ کھیلنے کی خواہش رکھتے ہیں۔ تفصیلات کے مطابق  حارث رؤف کو یارکشائر سی سی سی نے اس سیزن میں پاکستان سپر لیگ(پی ایس ایل) کی فرنچائز لاہور قلندرز کے ساتھ لنک اپ کے حصے کے طور پر سائن کیا تھا۔ کاؤنٹی کے لیے کھیلے گئے چار میچوں میں فاسٹ بولر نے 31.53 کی اوسط سے 15 وکٹیں حاصل کیں۔ حارث رؤف نے کہا کہ انگلینڈ میں کاؤنٹی کرکٹ کا بہترین معیار پوری دنیا میں مشہور ہے، لیکن میرے لیے بنیادی مقصد ریڈ بال کرکٹ میں اپنی صلاحیتوں کو نکھارنا تھا ۔ تیز گیند باز وائٹ بال کرکٹ میں پاکستان کے سیٹ اپ کا ایک لازمی حصہ رہے ہیں، اور گزشتہ سال متحدہ عرب امارات میں ہونے والے  ٹی ٹوئنٹی ورلڈ کپ میں شاندار بولنگ سے شہرت حاصل کی تھی، چند بار ٹیسٹ اسکواڈ میں شامل ہونے کے باوجود، وہ ابھی تک کھیل کے طویل ترین فارمیٹ میں ڈیبیو نہیں کر پائے ہیں۔

وزیرِ اعظم شہباز شریف سے وزیر سرمایہ کاری بورڈ چوہدری سالک حسین کی ملاقات