پاکستان مسلم لیگ (ن) کی نائب صدر مریم نواز نے سپریم کورٹ سے مطالبہ کیا ہے کہ پاکستان تحریک انصاف (پی ٹی آئی) کے چیئرمین عمران خان کے خلاف توہین عدالت کی درخواست خارج کرنے کے فیصلے پر نظرثانی کرے۔لاہور میں گزشتہ روز چھاپوں کے دوران فائرنگ سے جاں بحق ہونے والے پولیس اہلکار کے لواحقین سے ملاقات کے بعد میڈیا سے گفتگو کرتے ہوئے مریم نواز نے کہا کہ ایک جعلی انقلاب خون ناحق عمران خان کے سر ہے اور اس کا ذمہ دار عمران خان ہے اور جاں بحق پولیس اہلکار کی اہلیہ بھی یہی کہہ رہی تھی۔ان کا کہنا تھا کہ قوم نے اس بات کا ادراک کیا کہ جس کو انقلاب کا نام دیا گیا تھا یہ انتشار تھا، اگر عمران خان کو انقلاب کی تکلیف ہے تو حقیقی انقلاب اپنے گھر سے شروع ہوتا ہے۔سابق وزیراعظم کو مخاطب کرکے انہوں نے کہا کہ حقیقی آزادی کا سفر اپنے گھر سے شروع ہوتا ہے، لوگوں کے بچوں اور ان چھوٹے بچوں کے والد کو شہید کروا دیا لیکن اپنے بچوں کو لندن کی فضاؤں میں رکھے ہوئے ہیں، اگر لوگوں کو آزادی دلانی ہے تو اپنے بچوں سے کہو تاج برطانیہ کا حلف ترک کرکے پاکستان آئیں، پہلے اپنے بچوں کو حقیقی آزادی دلاؤ پھر لوگوں سےآزادی کی بات کرنا۔ایک سوال پر انہوں نے کہا کہ 6 دن کا وقت سوائے اپنی شرمندگی مٹانے، اپنی خفت مٹانے کے اور کچھ نہیں ہے، 25 لاکھ، 30 لاکھ کے دعوے کرنے والا خیبرپختونخوا سمیت پورے پاکستان سے 20 ہزار لوگ بھی جمع نہیں کرسکا تو اب کیا 6 دن وہ پشاور کے بنکر بندے ڈھونڈنے گئے ہیں جو انقلاب میں نہیں آئے۔

چینی افواج کا تائیوان کے گرد تازہ فوجی مشقوں کا اعلان