وفاقی وزیر تجارت مخدوم امین فہیم نے کہا ہے کہ وہ کھلی سوچ اوردل کے ساتھ بھارت جارہے ہیں۔
کراچی ایئرپورٹ پر بھارت روانگی سے قبل میڈیا سے بات چیت کرتے ہوئے امین فہیم نے کہا کہ دورے کا مقصد بھارت کے ساتھ تجارت کو فروغ دینا ہے کیونکہ تجارت دونوں ممالک کے لئے فائدہ مند ہے۔ ہم کھلے دل اور ذہن کے ساتھ بھارت جارہے ہیں امید ہے کہ بھارت کی جانب سے بھی ایسی ہی فراخ دلی کا مظاہرہ کیا جائے گا۔ انہوں نے بتایا کہ دورہ بھارت کے دوران تجارتی امور کے ساتھ ساتھ ویزہ پابندیاں نرم کرنے کے حوالے سے بھی بات چیت ہوگی۔