پاکستان نے دنیا بھر میں درپیش مختلف تنازعات کی بنیادی وجوہات دور کرنے کیلئے وسیع ترعالمی کوششوں پر زوردیا ہے ۔اقوام متحدہ کی سلامتی کونسل میں صنفی تشدد کے حوالے سے ایک مباحثے میں حصہ لیتے ہوئے اقوام متحدہ میں پاکستان کی مستقل مندوب ملیحہ لودھی نے کہاکہ غاصبانہ قبضے سے ہمیشہ خواتین کے خلاف قابض قوتوں کی جانب سے تشدد کی راہ ہموار ہوتی ہے ۔انہوں نے سلامتی کونسل کو بتایا کہ پاکستان جمہوریہ کانگو میں آئندہ ماہ خواتین کا قومی دستہ تعینات کررہا ہے ۔انہوں نے کہاکہ پاکستان نے اقوام متحدہ کے امن مشنوں میں پندرہ فیصد خواتین آفیسرز کی تعیناتی کا ہدف حاصل کرلیا ہے اور وہ سلامتی کونسل کی قراردادوں اور صنفی مساوات کی حکمت عملی کے مطابق اپنی ذمہ داریاں پوری کررہا ہے۔

محکمہ تعلیم سندھ نے موسم سرما کی تعطیلات کا اعلان کر دیا