امریکا اور اتحادیوں کے یوکرین کو بھاری ہتھیار کی سپلائی،روسی وزیرخارجہ میدان میں آگئے۔
امریکا اور اتحادیوں کے یوکرین کو بھاری ہتھیار دینے کے اعلان پر روس کے وزیرخارجہ نے مغرب کو خبردار کردیا۔ ذرائع کے مطابق سرگئی لاروف کا کہنا ہے کہ روس یوکرین جنگ ایٹمی تنازعے میں تبدیل ہوسکتی ہے۔روس کا کہنا ہے کہ پولینڈ اور بلغاریہ کو گیس کی فراہمی بند کریں گے۔ دوسری جانب روس کے دورے پر آئے ہوئے اقوام متحدہ کے سیکریٹری جنرل انتونیو گوتیریس نے کہا ہے کہ یوکرین میں جلد از جلد جنگ بندی چاہتے ہیں۔ سیکریٹری جنرل انتونیو گوتیریس نے روسی وزیرخارجہ سرگئی لاروف سے ملاقات میں کہا کہ وہ موثر مذاکرات اور جلد از جلد جنگ بندی کیلئے طریقے تلاش کرنے میں دلچسپی رکھتے ہیں۔اقوام متحدہ کے سیکریٹری جنرل روس کے صدر پیوٹن سے بھی ملاقات کے بعد 28 اپریل کو یوکرین کا بھی دورہ کرینگے۔
