پاک فوج کا ایوی ایشن ہیلی کاپٹر باعث گلگت بلتستان میں گر کر تباہ، 4 جوان شہید پاک فوج کا ایوی ایشن ہیلی کاپٹر فنی خرابی کے باعث گلگت بلتستان میں گر کر تباہ ہو گیا۔ آئی ایس پی آر کے مطابق حادثے میں پائلٹ میجرمحمد حسین سمیت چار جوان شہید ہوگئے ہیں۔ پاک فوج کے شعبہ تعلقات عامہ (آئی ایس پی آر) کے مطابق ہیلی کاپٹر کو حادثہ گلگت بلتستان کے علاقے منی مرگ میں تکنیکی خرابی کے باعث پیش آیا۔ حادثے میں پائلٹ میجر محمد حسین سمیت چار جان شہید ہوگئے۔ دیگر شہداء میں کوپائلٹ میجر ایاز حسین، نائیک انضمام عالم اور سپاہی محمد فاروق شامل ہیں۔ آئی ایس پی آر کے مطابق ہیلی کاپٹر شہید سپاہی عبدالقدیر کی میت لے کر سی ایم ایچ اسکردو جا رہا تھا۔ میجر ایاز حسین شادی شدہ اور ملیر کراچی کے رہائشی تھے۔ میجر محمد حسین بھی شادی شدہ اور اسکردو کے علاقے خپلو، جبکہ نائیک انضمام عالم چکوال اور سپاہی فاروق ساہیوال کے رہائشی تھے

ملک میں کورونا سے مزید 52 افراد انتقال کرگئے