نیپال میں ہیلی کاپٹر تباہ، وزیر سیاحت سمیت 7 افراد ہلاک
نیپال کے حکام نے کہا ہے کہ ملک کے دور دراز مشرقی علاقے میں ایک ہیلی کاپٹر تباہ ہوا ہے جس میں نیپال کے وزیر سیاحت اور 6دیگر افراد ہلاک ہو گئےہیں۔ میڈیا رپورٹ کے مطابق وزارت داخلہ کے سیکریٹری پریم کمال رائی کا کہنا تھا کہ نجی آپریٹر ایئر ڈائی نیسٹی کا ہیلی کاپٹر علاقے میں زائرین کے مقام سے واپسی کے بعد ٹپل جنگ ضلع میں جنگل میں گر کر تباہ ہوگیا۔دوسری جانب مقامی میڈیا نے رپورٹ کیا کہ وزیر سیاحت ربندرا ادھی کاری نے ایئرپورٹ کی تعمیر کا جائزہ لینے کے لیے اس علاقے کا دورہ کیا تھا۔واضح رہے کہ جس مقام پر نیپالی ہیلی کاپٹر حادثے کا شکار ہوا وہ کھٹمنڈو سے تقریبا 240 کلومیٹر شمال مشرق میں ہے۔
