سیشن کورٹ اسلام آبادنےعمران خان کی توشہ خانہ کیس جوڈیشل کمپلیکس منتقل کرنے کی درخواست مسترد کردی۔ سیشن کورٹ اسلام آبادنے توشہ خانہ کیس میں عمران خان  کی درخواستوں پر محفوظ فیصلہ سنادیا۔ عدالت نے عمران خان کی توشہ خانہ کیس جوڈیشل کمپلیکس منتقل کرنے کی درخواست مسترد کردی۔ ایس ایچ او تھانہ سیکرٹریٹ نے استدعا کی کہ  عمران خان عدالت کے سامنے پیش ہوں۔الیکشن کمیشن کے باہر احتجاج عمران خان کے کہنے پر ہوا۔ جج نے استفسار کیا کہ کیا مدعی نے کوئی عمران خان کے خلاف ثبوت دیاہے؟ ایس ایچ او تھانہ سیکرٹریٹ نے جواب دیا کہ ہمارے پاس یو ایس بی میں ویڈیوز شواہد کے طور پر موجود ہیں، جج نے جواب دیا کہ یو ایس بی کا ذکر نہ کریں، ان ویڈیوز میں عمران خان موجود نہیں،عمران خان کے خلاف ایماء کا کوئی ثبوت ہے تو بتائیں۔ 

صدر مملکت اپنی اوقات اور آئینی دائرہ میں رہیں، عمران کی کٹھ پتلی نہ بنیں، رانا ثنا

جج نے ایس ایچ اور ہدایت کی کہ انصاف کے ساتھ تفتیش کرنی ہے، آپ نے ڈرنا نہیں ہے۔گنہگار ہیں تو گنہگار کہنا ہے، بے گناہ ہیں تو بھی انصاف کرنا ہے۔ جج نے ریمارکس دیے کہ عمران خان کی مسلسل استثنیٰ کی درخواستیں آرہی ہیں۔بیان حلفی دیں کہ عمران خان کل میری عدالت میں پیش ہوں گے۔عدالتی تاریخ میں نہیں ہوا کہ جج کسی اور عدالت میں جا کر بیٹھ جائے۔میں ساتھ والی عدالت میں بھی جا کر نہیں بیٹھ سکتا۔ وکیل بابر اعوان نے عمران خان کی کل عدالت پیشی کی یقین دہانی کروا دی۔ عدالت نے  عمران خان کی آج عدالت حاضری سے استثنیٰ کی درخواست منظور کر لی۔ عدالت نے عمران خان کی عبوری ضمانت میں توسیع کرتے ہوئے کل عدالت میں پیش ہونے کا حکم دےدیا۔عمران خان کے خلاف تھانہ سیکریٹریٹ میں درج مقدمہ کی سماعت کل تک ملتوی کردی  گئی۔

الیکشن منسوخ کروا کے ن لیگ نے پنجاب میں شکست تسلیم کرلی، پرویزالہٰی