پی ڈی ایم کے پہلے تمام پلان فیل ہوچکے، آئندہ بھی ناکام ہونگے، چو ہدری سرور
گورنر پنجاب چو ہدری محمد سرور نے کہا ہے کہ پی ڈی ایم کے پہلے تمام پلان فیل ہوچکے، آئندہ بھی فیل ہونگے۔ بدھ کو گورنر پنجاب چودھری سرور سے قومی اسمبلی مجلس قائمہ خزانہ کے چیئرمین فیض اللہ کوموکا نے ملاقات کی ہے۔ اس موقع پر چو ہدری محمد سرور نے کہا کہ پی ڈی ایم جماعتیں کبھی ایک پیج پر آئی ہیں اور نہ ہی آئندہ آئیں گی، اپوزیشن اے سے لیکر زیڈ تک جتنے مر ضی پلان بنالے فرق نہیں پڑتا، پی ڈی ایم کے پہلے تمام پلان فیل ہوچکے، آئندہ بھی فیل ہونگے، ترقی کی راہ میں اپوزیشن کا رکاوٹوں کو منصوبہ ملک مفاد میں نہیں، عمران خان حالات سے سمجھوتہ کر نیوالے نہیں، ڈٹ جانے والے لیڈر ہیں۔انہوں نے کہا کہ سب جانتے ہیں وزیر اعظم عمران خان جو کہتے ہیں کر کے بھی دکھاتے ہیں، حکومت اور اتحادی متحد ہیں مگر پی ڈی ایم میں درجن مختلف موقف ہیں، ملک میں احتساب کو بریک لگے گی نہ ہی حکومت اپنے موقف سے پیچھے ہٹے گی، سیاسی مخالفین کے پاس کوئی نظریہ اور اصول نہیں، پی ڈی ایم عارضی اتحاد ہے۔انہوںنے کہا کہ حکومت اپوزیشن کے احتجاج اور لانگ مارچ کی دھمکیوں سے خوفزدہ ہونے والی نہیں، وزیر اعظم عمران خان ملک کو درست سمت میں لیکر جا رہے ہیں۔ فیض اللہ کوموکا نے کہا کہ پہلی بار عام آدمی کی ترقی اور خوشحالی کے لیے کام ہو رہا ہے، اپوزیشن کا انتشار اور فساد پر مبنی ایجنڈا ناکام ہوگا۔
