لاہور ( وقائع نگار خصوصی ) ایم بی بی ایس اور بی ڈی ایس کی نشستیں کم کرنے کا اقدام لاہور ہائیکورٹ میں چیلنج کردیا گیا .عدالت نے داخلے کے خواہشمند طلبا کی درخواست پر سماعت کے لیے 4 فروری کی تاریخ مقرر کر دی .جسٹس عائشہ اے ملک نے طلبہ کی درخواست پر سماعت کی. فاضل عدالت نے میڈیکل کالجز کے ماضی میں معطل کیے گئے لائسنس کی تفصیل بھی طلب کر لی ۔ درخواست میں موقف اپنایا گیا کہ طلبا نے ایم ڈی کیٹ ٹیسٹ پاس کیا, فہرست میں نام آنے کے بعد نشستیں کم کردیں, یونیورسٹی آف ہیلتھ سائنسز نے پنجاب میں میڈیکل کے داخلوں میں 300 کے لگ بھگ نشستیں کم کر دی ہیں, ڈینٹل کی تعلیم حاصل کرنے کیلئے 216 نشستوں کو کم کر کے 200 کر دیا گیا ہے, پنجاب حکومت نے 2016ءمیں میڈیکل کی 900 نشستیں بڑھانے کا بھی فیصلہ کیا مگر نشستیں بڑھانے کی بجائے کم کر دی ہیں .عدالت سے استدعا ہے کہ یو ایچ ایس کو درخواست کے حتمی فیصلے تک میڈیکل کے داخلوں کی حتمی فہرست آویزاں کرنے سے روکا جائے اورمیڈیکل کے داخلوں کیلئے نشستیں کم کرنے کا اقدام غیر قانونی اور غیر آئینی قرار دے کر کالعدم کیا جائے۔ 

غیرت کے نام پر باپ نے کلہاڑی کا وار کر کے بیٹی کا سر کاٹ دیا