کوئٹہ گلیڈی ایئٹرز کے لئے بڑا دھچکا،شاہد آفریدی کورونا میں مبتلا
پاکستان سپر لیگ کے ساتویں ایڈیشن کے شروع ہونے سے پہلے ہی کوئٹہ گلیڈی ایٹرز کو لگا بڑا دھچکا ۔سابق پاکستانی کپتان اور کوئٹہ گلیڈی ایٹرز کی جانب سے پہلی بار کھیلنے والے شاہد آفریدی ان فٹ ہو نے کے ساتھ کورونا میں بھی مبتلا ہوگئے۔ شاہد خان آفریدی گذشتہ روز پریکٹس کے دوران کمر کی تکلیف میں مبتلا ہو گئےجبکہ ان کی کمر میں یہ تکلیف پہلی بار نہیں ہوئی، بوم بوم مسلسل اس تکلیف کا شکار ہیں اور انجری کے باعث شاہد آفریدی بائیو سکیور ببل سے بھی باہر ہوگئے اور ٹیم کی پریشانی میں اضافہ ہوگیا ۔خیال رہے کہ کوئٹہ گلیڈی ایٹرز اور پشاور زلمی کا پہلا میچ 28 جنوری کو شیڈول ہے جبکہ شاہد آفریدی کیریئر کا آخری پی ایس ایل ایونٹ کھیلنے کا اعلان کر چکے ہیں۔
