چوہدری پرویز الٰہی نئے وزیراعلی پنجاب کا حلف اٹھالیا۔
چوہدری پرویز الٰہی سے ایوان صدر میں وزارت اعلٰی پنجاب کے عہدے کا حلف صدر مملکت ڈاکٹر عارف علوی نے لیا۔ اس سے قبل گورنر پنجاب بلیغ الرحمان نے چوہدری پرویز الٰہی سے حلف لینے سے معذرت کی جس کے بعد ان کا حلف صدر مملکت ڈاکر عارف علوی نے رات کے دو بجے لیا ہے۔ نو منتخب وزیراعلیٰ ایوان صدر میں تقریبِ حلف برداری کے سلسلے میں گورنر ہاؤس سے اسلام آباد کے لئے روانہ ہوئے جہاں صدر علوی رات گئے ان سے وزارت اعلیٰ پنجاب کے عہدے کا حلف لیا۔ خیال سینئر رہنما مسلم لیگ (ق) چوہدری پرویزالٰہی تقریباً 20 سال بعد وزارت اعلیٰ پنجاب کے منصب پر ایک بار پھر فائض ہوگئے ہیں جب کہ انہوں نے نائب وزیراعظم اور وزیر برائے دفاعی پیداوار و انڈسٹریز کی حیثیت سے بھی اپنی خدمات انجام دی ہیں۔اس سے قبل چوہدری پرویز الٰہی ویڈیو لنک کے ذریعے حلف لینے کے لئے گورنر ہاؤس پہنچے جہاں ان کی تقریبِ حلف برداری ہونے کے امکانات تھے۔واضح رہے کہ گزشتہ روز سپریم کورٹ نے وزیر اعلیٰ پنجاب الیکشن کیس میں گورنر پنجاب کو آج کل رات ساڑھے 11 بجے پرویز الہٰی سے وزارت اعلیٰ کا حلف لینے کی ہدایت کی تھی۔پی ٹی آئی پنجاب کے رہنما میاں محمود الرشید نے گورنر پنجاب کے انکار کے بعد صدر مملکت ڈاکٹر عارف علوی سے رابطہ کیا تھا۔واضح رہے کہ گزشتہ روز سپریم کورٹ آف پاکستان نے چودھری پرویز الہٰی کی درخواست منظور کرتے ہوئے وزیرِاعلیٰ پنجاب کے انتخاب میں ڈپٹی اسپیکر پنجاب اسمبلی دوست محمد مزاری کی رولنگ کالعدم قرار دیدی تھی جبکہ پرویز الہٰی کو پنجاب کا وزیراعلیٰ قرار دیا تھا۔
