کورونا وائرس کے باعث ہونے والے لاک ڈاﺅن کی وجہ سے فضائی آلودگی کم ہوئی ہے۔ لیکن اب وائرس کی وجہ سے سمندری آلودگی بڑھنے کا خدشہ پیدا ہوگیا ہے۔فرانس میں ایک گروپ ساحل کی صفائی میں مصروف تھا جہاں اسے استعمال شدہ فیس ماسک اور گلوز ملے۔ جبکہ اسی گروپ کے سربراہ نے گہرے سمندر کے نیچے کی وڈیو بھی شیئر کی، وہاں بھی فیس ماسک اور گلوز موجود تھے۔ماحولیاتی صفائی سے متعلق گروپ کا کہنا ہے کہ ان چیزوں کا ساحل سے ملنا خطرے کی گھنٹی ہے کیونکہ یورپ میں لاک ڈاﺅن ختم ہو رہا ہے اور لوگ گرمی کے باعث ساحلوں پر جا رہے ہیں۔گروپ کے سربراہ جنہوں نے سمندر کی گہرائی میں آلودگی کی وڈیو بھی بنائی ہے، انہوں نے اسے نئے قسم کی آلودگی کی شروعات قرار دیا ہے۔

عمران خان عدالت جانے سے پہلے جادو ٹونہ کراتے ہیں،شرجیل میمن