آل پاکستان انجمن تاجران کے مرکزی صدر محمد اشرف بھٹی نے کہا ہے کہ حکومت عید الفطر کے بعد کاروبار ی مراکز کے اوقات کار کے حوالے سے تاجروں سے مشاورت کر کے اتفاق رائے سے اعلان کرے، دوبارہ لاک ڈاؤن کی افواہوں سے تاجر تذبذب کا شکار ہیں اور ان میں شدید بے چینی پائی جاتی ہے اس لئے حکومت فی الفور وضاحت کرکے اس کی تردید کرے۔ اپنے ایک بیان میں اشرف بھٹی نے کہا کہ کورونا وائرس کی وجہ سے کئے گئے طویل لاک ڈاؤن نے تاجروں کی کمر توڑ کر رکھ دی ہے اور وہ ابھی تک نقصان کا ازالہ نہیں ہو سکااس لئے تاجر اور ہماری معیشت دوبارہ ایسے کسی فیصلے کے متحمل نہیں ہو سکتے۔انہوں نے کہا کہ عید الفطر پر بھی تاجروں کو کاروبار میں رکاوٹوں کا سامنا کرنا پڑا جس کی وجہ سے گزشتہ سالوں ں کے مقابلے میں امسال عید الفطر پر 35سے 40فیصد کاروبار ہو سکا ہے اورتاجر اپنی ادائیگیاں کرنے کے قابل بھی نہیں ہو سکے۔ انہوں نے کہا کہ حکومتی نمائندوں سے درخواست ہے کہ میڈیا میں بیان بازی کی بجائے تاجر تنظیموں سے رابطے کر کے آئندہ کے حوالے سے حکمت عملی مرتب کی جائے تاکہ تاجروں میں پائی جانے والی بے چینی ختم ہو سکے اوروہ اپنے بچوں کا پیٹ پالنے سمیت اپنے ساتھ جڑے ہوئے عملے کو تنخواہوں کی ادائیگی کر سکیں۔ اشرف بھٹی نے کہا کہ حکومت نے عید الفطر کیلئے چند روز کاروبار کھولنے کی اجازت دی اس سے قبل کورونا پھیلنے کی کیا وجوہات ہیں اس لئے تاجروں کو مورد الزام نہ ٹھہرایا جائے۔

وزیراعظم محمد شہباز شریف سے رکن قومی اسمبلی اسلم بھوتانی کی ملاقات