بھارتی فوج کی ریاستی دہشتگردی جاری،4معصوم کشمیریوں کو شہید کردیا۔
مقبوضہ جموں و کشمیر میں قابض فوج کی بربریت مسلسل جاری، مودی سرکار کے اشاروں پر چلنے والے دہشتگرد اہلکاروں نے مزید 4 کشمیریوں کو شہید کر دیا۔میڈیا کے مطابق ضلع پلواما اور سرینگر میں چار کشمیری نوجوانوں کو شہید کیا گیا، ان کشمیری نوجوانوں کو نام نہاد سرچ آپریشن کی آڑ میں بحارتی فوج نے نشانہ بنایا۔ کے ایم ایس کی ہی رپورٹ کے مطابق تین دنوں سے شہید ہونے والے کشمیریوں کی مجموعی تعداد 10 ہوگئی۔ واضح رہے دو روز قبل جموں و کشمیر لبریشن فرنٹ (جے کے ایل ایف) کے سربراہ یاسین ملک پر عائد کردہ بے بنیاد و من گھڑت الزامات پر بھارتی عدالت نے انہیں عمر قید کی سزا سنادی تھی۔ مجموعی طور پر یاسین ملک کو دو مرتبہ عمر قید اور پانچ مرتبہ 10/10سال قید کی سزائیں سنائی گئیں۔ انہیں دس لاکھ روپے جرمانے کی سزا بھی ملی ہے۔
