ہماری قوم اب مجرموں کے اس گروہ کے ہاتھوں مہنگائی کا ایک بڑا طوفان بھگتے گی۔عمران خان
پاکستان تحریک انصاف کے چیئرمین اور سابق وزیر اعظم عمران خان نے کہا ہے کہ پٹرول اور ڈیزل کی قیمتوں میں %20 یا 30روپے فی لٹر اضافے، جوہماری تاریخ کا سب سے بڑا یکمشت اضافے کے ساتھ قوم نے امپورٹڈ سرکار کی بیرونی آقائوں کی غلامی کی قیمت ادا کرنا شروع کر دی ہے، نااہل اور بے حس حکومت نے %30 سستے تیل کی خریداری کیلئے روس سے ہمارا سودا حاصل نہیں کیا۔ان خیالات کااظہار عمران خان نے سوشل میڈیا پر جاری اپنے بیان میں کیا۔ سابق وزیر اعظم نے کہا کہ اس کے برعکس امریکہ کے سٹرٹیجک شراکت دار بھارت نے روس سے سستا تیل خرید کر ایندھن کی قیمتوں میں 25 روپے فی لٹر کمی کی ہے۔ ہماری قوم اب مجرموں کے اس گروہ کے ہاتھوں مہنگائی کا ایک بڑا طوفان بھگتے گی۔
