صوابی میں تقریب سے خطاب کرتے ہوئے اسپیکر قومی اسمبلی اسد قیصر نے کہا کہ لوگوں کو حکومت کی طرف سے کیے گئے عوامی فلاح بہبود کے اقدامات کے ثمرات جلد ملیں گے۔ انہوں نے کہا کہ حکومت دور حاضر کے چیلنجوں کے مطابق ذہین نوجوانوں کی صلاحتیں بہتر بنانے کے لیے ایک تعلیمی پالیسی تشکیل دینے پرکام کررہی ہے۔ اسد قیصر نے کہا کہ نیشنل ٹیسٹنگ سروس کے ذریعے محکمہ تعلیم میں میرٹ پراساتذہ کی بھرتی کی گئی ہے، اسپیکر نے اساتذہ پر زور دیا کہ وہ مخلصانہ اورموثر انداز میں اپنی پیشہ وارانہ ذمہ داریاں ادا کریں۔