صوبائی دارالحکومت لاہور میں بجلی کی غیراعلانیہ لوڈ شیڈنگ شدت اختیار کر گئی۔ تفصیلات کے مطابق لاہور کے شہری اور مضافاتی علاقوں میں غیراعلانیہ لوڈ شیڈنگ نے شہریوں کا براحال کر دیا ہے۔لاہور میں بجلی کا شارٹ فال 1500 میگاواٹ ہو گیا ہے جبکہ  شدید گرمی کی وجہ سے بجلی کی مانگ 5000 میگاواٹ سے تجاوز کر گئی ہے۔ واسا حکام نے بھی بدترین لوڈ شیڈنگ کے باعث ٹیوب دیل چلانے سے انکار کر دیا ہے۔شہریوں کا کہنا ہے کہ لیسکو افسران نے شہریوں کی شکایت سننا بند کردی ہیں اور ہیلپ لائن اٹینڈ نہیں ہو رہی۔شہریوں نے بتایا کہ  متعدد علاقوں میں بجلی کے ٹرانسفارمر بھی جل چکے ہیں، سحری اور افطاری کے دوران بجلی کی غیراعلانیہ لوڈ شیڈنگ  سر درد بن گئی ہے۔واضح رہے کہ   لیسکو نے رمضان المبارک کے دوران بلا تعطل بجلی فراہم کرنے کا دعوی کر رکھا تھا۔

عوام میں اسلحہ لے کر جانا امریکیوں کا بنیادی حق ہے۔ سپریم کورٹ