صدر ممنون حسین کی خواہش کے احترم میں رائل کالج آف فزیشنز نے پاکستانی ڈاکٹروں کے لیے تمام پیشہ ورانہ امتحانات پاکستان میں کرانے کا فیصلہ کر لیا۔

Aug 28, 2018 | 17:26

رائل کالج آف فزیشنز نے یہ فیصلہ صدر مملکت ممنون حسین کی خواہش کے احترام میں کیا۔ دونوں ممالک کی حکومتیں جلد اس سلسلے میں تفصیلات طے کریں گی۔ صدر مملکت ممنون حسین نے تقریب سے خطاب کرتے ہوئے کہا کہ رائل کالج کے اس فیصلے سے نوجوان پاکستانی ڈاکٹروں کو تحقیق و جستجو کی وبہترین سہولتیں میسر ائیں گی اس کے علاوہ پاکستانی ڈاکٹروں کے تجربے اور علاج کے منفرد طریقہ کار بھی رائل کالج کی تحقیق اور طبی لٹریچر کے لیے نہایت مفید ثابت ہو سکتے ہیں ۔ صدر مملکت نے اس شاندار فیصلے پر رائل کالج آف فزیشنز اور اس کے ذمہ داران کو مبارک باد پیں کی ۔ اس سے قبل رائل کالج آف فزیشنز ایڈنبرا کے صدر پروفیسر ڈاکٹر ڈیرک بیل نے صدر مملکت کو رائل کالج آف فیزیشنز کی اعزازی فیلو شپ عطا کی ۔

تقریب کے بعد میڈیا سے گفتگو کرتے ہوئے صدر مملکت ممنون حسین نے کہا کہ یہ پاکستانی طلبہ کے لیے غیر معمولی سہولت ہے ۔ رائل کالج کے اس فیصلے سے پاکستان میں طب کا شعبہ غیر معمولی ترقی کرے گا ۔صدر ممنون حسین نے کہا کہ گزشتہ پانچ برسوں کے دوران ملک میں بہت سے ترقیاتی کام ہوئے ہیں ۔ نئی حکومت کو چاہیے کہ ان ترقیاتی کاموں کو جاری رکھے اور بروقت مکمل کرے۔

مزیدخبریں