قومی کرکٹ ٹیم کے سابق وکٹ کیپر کپتان سرفراز احمد ٹیسٹ کرکٹ میں سب سے زیادہ رنز بنانے والے پاکستانی وکٹ کیپر بیٹر بن گئے۔ سرفراز احمد نے یہ اعزاز نیوزی لینڈ کے خلاف کھیلے جا رہے کراچی ٹیسٹ میں حاصل کیا ہے۔ پاکستان کے سابق کپتان نے نیوزی لینڈ کے خلاف کراچی ٹیسٹ کی پہلی اننگز میں 86 رنز کی اننگز کھیلی تھی۔  سابق کپتان سرفراز احمد نے ٹیسٹ کرکٹ میں اب تک 50 میچز میں 2743 رنز بنا لیے ہیں جس میں 3 سنچریاں اور 19 نصف سنچریاں بھی شامل ہیں۔ اس سے قبل یہ اعزاز کامران اکمل کے پاس تھا، انہوں نے 53 ٹیسٹ میچز میں پاکستان کی نمائندگی کرتے ہوئے 2648 رنز بنائے تھے۔ اس فہرست میں معین خان، امتیاز احمد اور راشد لطیف بھی شامل ہیں۔

صدر مملکت نے ڈاکٹر امجد ثاقب کی بطور چیئرپرسن بینظیر انکم سپورٹ پروگرام تعیناتی کی منظوری دے دی