لاہور ہائی کورٹ کے جسٹس جواد حسن نے پاکستان تحریک انصاف کے رہنما شہباز گل کا نام ای سی ایل سے نکلوانے کی درخواست پر سماعت کیلئے  لارجر بینچ بنانے کی سفارش کر دی،  لاہور ہائی کورٹ میں شہباز گل کا نام ای سی ایل سے نکلوانے کی درخواست پر سماعت ہوئی۔ جسٹس جواد حسن نے شہباز گل کی درخواست پر سماعت کی۔ سنگل بینچ نے معاملے پر لارجر بینچ بنانے کی سفارش کر دی، کیس کی فائل چیف جسٹس لاہور ہائی کورٹ کو ارسال کر دی گئی۔  سماعت کے بعد عدالت کے احاطے میں میڈیا سے گفتگو کرتے ہوئے شہباز گل نے کہا ہے کہ سپریم کورٹ میں کیس چل رہا ہے مگر مریم نواز نے پہلے فیصلہ سنا دیا۔ لاہور ہائی کورٹ کے بار میڈیا سے گفتگو کرتے ہوئے شہباز گل نے کہا کہ مریم نواز کہتی ہیں پہلے انصاف ہو گا پھر الیکشن ہو گا۔ شہباز گل کا کہنا ہے کہ وہ کہتی ہیں میرے والد کو چور کہا گیا اب دوسروں کو بھی چور کہا جائے۔ انہوں نے کہا کہ مجھے مڈل کلاس سے ہونے کی سزا دی جا رہی ہے، میں ای سی ایل سے نام نکلوا کر باہر گیا پھر واپس بھی آیا، میرے اوپر جعلی مقدمے بنائے گئے۔

وزیر اعظم کا توانائی شعبے کی اصلاحات کو بجٹ کا حصہ بنانے کا فیصلہ