بنگلہ دیش میں کھیلے جانے والے ایشیا کپ کے شیڈول کا اعلان کر دیا گیا
ایشیا کپ کا آغاز چوبیس فروری کو میزبان ٹیم بنگلہ دیش اور بھارت کے مابین میچ سے ہو گا،،،، ایشیا کپ پہلی بار ٹی ٹوئنٹی فارمیٹ میں کھیلا جائے گا اور فائنل سمیت تمام میچ میرپور کے شیر بنگلہ گراؤنڈ میں کھلے جائیں گے۔ ایشیا کپ کا فائنل چھ مارچ کو کھیلا جائے گا۔ پاکستان اور بھارت تین ہفتوں میں دو بار آمنے سامنے ہوں گے۔ ایک ستائیس فروری کو ایشیا کپ کے میچ اور پھر انیس مارچ کو ورلڈ ٹی ٹوئنٹی میچ میں۔ اگر پاکستان اور بھارت دونوں ہی فائنل میں پہنچ گئے تو اس صورت میں تین ہفتوں میں دونوں ٹیمیں تین بار آمنے سامنے ہوں گی۔ اب تک ایشا کپ کی کامیاب ترین ٹیم سری لنکا ہے جو اڑاتالیس میچوں میں سے چونتیس میچ جیتی اور پانچ بار ٹرافی جیت چکی ہے۔ ایشیا کپ میں افغانستان، عمان، ہانگ کانگ اور متحدہ عرب امارات انیس فروری سے کوالیفائنگ میچ کھیلیں گی۔ چاروں ٹیمیں تین تین میچ کھیلے گی اور پہلے نمبر پر آنے والی ٹیم ایشا کپ میں حصہ لے گی۔
