لاہور(سپورٹس رپورٹر) قومی سلیکشن کمیٹی اور ہیڈ کوچ مصباح الحق نے انگلینڈ کے خلاف ٹیسٹ سیریز کے لیے بیس کھلاڑیوں کو شارٹ لسٹ کر دیا۔ ڈربی میں 2 چارروزہ پریکٹس میچز کے اختتام پر پاکستان نے5 اگست سے شروع ہونے والی انگلینڈ کے خلاف تین ٹیسٹ میچوں کے لیے 20 رکنی سکواڈ کو شارٹ لسٹ کیا گیا۔ سکواڈ میں اظہر علی(کپتان)، بابراعظم، عابد علی، اسد شفیق، فہیم اشرف، فواد عالم، امام الحق، عمران خان سینئر، کاشف بھٹی، محمد عباس، محمد رضوان، سرفراز احمد، نسیم شاہ، شاداب خان، شاہین شاہ آفریدی، شان مسعود، سہیل خان، عثمان شنواری، وہاب ریاض اور یاسر شاہ شامل ہیں۔ دوسری جانب انگلینڈ میں ہی موجود دیگر 9 کھلاڑی ٹی ٹونٹی سیریز کے لیے اپنی تیاریوں کا سلسلہ جاری رکھنے کی ہدایت کی گئی ہے۔ ان کھلاڑیوں میں فخر زمان، افتخار احمد، حیدر علی، عماد وسیم، محمد حفیظ، محمد عامر، خوشدل شاہ، محمد حسنین اور موسیٰ خان شامل ہیں۔

ساتویں کثیر القومی مشق ’’امن ‘‘ِ فروری میں منعقد ہوگی ، ترجمان پاک بحریہ