ملک بھر میں کورونا وائرس سے مزید 20افراد جان کی بازی ہار گئے جس کے بعد اموات کی تعداد 5842ہو گئی جبکہ 1176نئے کیسز سامنے آنے کے بعد متاثرہ افراد کی کل تعداد 274289ہو گئی ۔نیشنل کمانڈ اینڈ آپریشن سینٹر کے مطابق گذشتہ 24 گھنٹوں میں مزید 20 افراد اس موذی وبا کے باعث زندگی کی بازی ہار گئے، اموات 5842ہو گئیں ،1176نئے کیسز سامنے آنے کے بعدمتاثرہ افراد کی کل تعداد 274289 ہو گئی، 3 ہزار 592 مریض  صحتیاب  ہو گئے۔ کورونا وائرس کے ملک میں 27 ہزار 421 مریض اب بھی ہسپتا لوں، قرنطینہ مراکز اور گھروں میں آئسولیشن میں ہیں، جن میں سے 1 ہزار 229 افراد کی حالت تشویش ناک ہے، جبکہ 2 لاکھ 41 ہزار 26 مریض اس بیماری سے صحت یاب ہو چکے ہیں۔سندھ میں کورونا کے مریضوں کی تعداد دوسرے صوبوں سے زیادہ 1 لاکھ 18 ہزار 311 ہو چکی ہے، جبکہ یہاں اس موذی وائرس سے اموات بھی دیگر صوبوں سے بڑھ کر 2 ہزار 151 ہو گئیں۔پنجاب میں کورونا وائرس کے اب تک 92 ہزار 73 مریض سامنے آئے   جبکہ اس سے ہلاکتیں 2 ہزار 116 ہو گئیں۔خیبر پختو نخوا میں کورونا کے مریضوں کی تعداد 33 ہزار 397 ہو چکی  جبکہ اس سے اموات 1 ہزار 178 ہو گئیں۔وفاقی دارالحکومت اسلام آباد میں 14 ہزار 884 کورونا وائرس سے متاثرہ مریض اب تک سامنے آئے ہیں جبکہ 164 افراد اس وبا سے جان کی بازی ہار چکے ہیں۔کورونا وائرس کے بلوچستان میں 11 ہزار 601 مریض اب تک رپورٹ ہوئے  جہاں 136 افراد اس مرض سے انتقال کر چکے ہیں۔آزاد جموں و کشمیر میں کورونا کے اب تک 2 ہزار 34 مریض رپورٹ ہوئے  جبکہ اس وائرس سے 49 مریض وفات پا چکے ہیں۔گلگت بلتستان میں 1 ہزار 989 کورونا وائرس کے مریض سامنے آئے ہیں جبکہ اس سے 48 افراد جاں بحق ہوئے ہیں۔نیشنل کمانڈ اینڈ آپریشن سینٹر کے مطابق ملک بھر میں گذشتہ 24 گھنٹوں کے دوران 22 ہزار 56 کورونا وائرس کے ٹیسٹ کیے گئے جبکہ اب تک کل 18 لاکھ 90 ہزار 236 کورونا ٹیسٹ کیے جا چکے ہیں۔