پنجاب میں پہلی مرتبہ جانوروں کی آلائشو ں سے بائیوگیس بنانے کا کامیاب تجربہ

وزیراعلی پنجاب مریم نواز کے شاندار ستھرا پنجاب ویسٹ ٹو ویلیو پراجیکٹ کے تحت پنجاب میں پہلی مرتبہ جانوروں کی آلائشو ں سے بائیوگیس بنانے کا کامیاب تجربہ کیا گیا ہے۔تفصیلات کے مطابق لکھو ڈیر کے علاقے میں بائیو ڈی گریڈ ایبل آلائشوں کو استعمال کرکے بائیوگیس پیدا کی گئی ہے، ایک ہزار میٹرک ٹن آلائشوں سے تقریبا 20سے 25ہزار کلو گیس پیدا کرنا ممکن ہے۔قربانی کیجانوروں کی آلائشوں سیبائیو گیس پروڈکشن سے60 سے70لاکھ روپے کی آمدن متوقع ہے، محض چند لاکھ کی لاگت سے لاہورمیں آلائشوں کے ذریعے بائیو گیس پیدا کرنے کاپائلٹ پراجیکٹ کامیابی سے ہمکنار ہوگیا،50میگاواٹ ویسٹ انرجی پلانٹ سے روزانہ 3 ہزار ٹن کچرا بجلی میں تبدیل ہوسکے گا جبکہ 10سال میں لینڈ فل سائٹ سے حاصل ہونے والی گیس سے 2.5ملین ڈالر آمد ن کی توقع ہے۔